{ SKIP }
文:李羅渣  
POSTED ON 19 Oct 2016

圖片:hityah


上季英超就完季時,車路士宣佈提早6年結束與Adidas嘅贊助合約,不過當時就未有提過將會同邊間公司合作,有傳Under Armor甚至中國品牌都可能成為車路士新贊助商。上星期車仔官方就終於開估喇,由下季開始車路士就會同Nike 合作,為期15年,而Nike就會每年贊助車路士6000萬鎊。


圖片:manutd


Nike 下季將會取代Adidas 成為NBA 官方贊助,加上喺歐洲足球壇又無咗曼聯同祖雲達斯兩間大球會,所以曾經有傳Nike 未來唔會再咁看重足球市場,反而會更大力發展美國市場同NBA。但睇嚟Nike唔只會重點發展美國市場,就算係歐洲足球市場都唔會俾Adidas玩晒。事實上,賣波衫係幾高利潤,一件波衫球會可以抽到10-15%佣,其他都係製造商袋晒,除咗本身球迷會買波衫,萬一簽咗啲人氣球星,波衫銷量又會再升,所以有時呢啲球衣贊助商甚至會俾錢球會幫手買人。


圖片:soccerbox


車路士提早同Adidas解約,最大誘因都係錢作怪。曼城、車路士呢啲豪門就唔使多講,喺英超,就算係中上游球會嘅財力都越嚟越豐厚,大家今季睇轉會都睇得到。加上見到Adidas同曼聯簽咗份全球最貴8600萬鎊一年嘅贊助合約,對比Adidas贊助自己嗰一年3000萬鎊,自然令車路士起轉贊助商開財路嘅念頭。就算車仔提早解約要畀返4000萬鎊Adidas,以一倍贊助費簽到Nike都係除笨有精。


圖片:newsday


另一邊廂,Adidas失去車路士之後,另一個要保住嘅球隊贊助就係皇馬。Adidas由1998年就同皇馬簽落贊助合約,去到2020年就完,每年贊助費係4000萬歐元,只係比Puma贊助阿仙奴同New Balance贊助利物浦多少少,所以雙方都開始就續約作初步談判。但當家球星C朗本身係Nike人,如果Nike想喺足球上更進一步,話唔定會向皇馬埋手。而且仲有新加入足球市場嘅Under Armor同New Balance一樣來勢洶洶,睇黎未來球衣贊助都會百花齊放,最終得益嘅,就係球會啦!


李羅渣 (facebook page: https://www.facebook.com/leerogerfcpage/)

八十後、忠實曼聯球迷、唔忠實嘅愛華頓球迷、前網台節目主持、Menclub足球文章作家、演員

由懶到出汁變成泰拳愛好者

除咗足球最鍾意就係睇戲、睇書、飲兩杯

唔求發大達,最想成為有些少生活品味嘅偽文青




憑出演《Euphoria》一炮而紅嘅Sydney Sweeney近年極速上位,接戲接到冇停手,更被封為新世代性感女神,隨住人氣上升,佢亦成為狗仔隊嘅跟拍對象。最近Sydney Sweeney接受訪問時就大呻,狗仔隊已經跟到去佢屋企,甚至 ...
hobby
【影視】Sydney Sweeney在家被狗仔隊騷擾 屋外大喊:你著Bikini出嚟俾我影咪走囉
04 Oct 2024
為支持兒子首部執導長片,三屆奧斯卡影帝Daniel Day-Lewis息影7年後再度回歸大銀幕,並會同阿仔一齊撰寫劇本。 現年67歲嘅Daniel Day-Lewis以精湛演技著稱,先後經憑《My Left Foot(無悔今生)》、《Th ...
hobby
【影視】三屆奧斯卡影帝Daniel Day-Lewis宣布復出!參演兒子執導新作《Anemone》
03 Oct 2024