車震最好瞓模仿汽車BB床

文：MenClub 魏文青　　
POSTED ON 19 Apr 2017

世界上最好瞓嘅地方喺邊？唔係你情人嘅心口、唔係你自己個狗竇，更加唔會咩酒店，而係放工返屋企嗰程車！相信每一個人都試過，明明好精神，一坐上車就好眼瞓，到落車嗰陣直頭係依依不捨。有人話係因為長途車嘅低沉、平穩嘅引擎聲加上輕微震動有安眠嘅作用。事實上外國有好多父母如果想氹BB瞓覺，都會揸架車出去兜下——但如果有咗呢個Ford出嘅MAX Motor Dreams嘅話，你就油錢都慳返啦！

由Ford西班牙分部研發嘅「MAX Motor Dreams」實際上係一張BB床，但床底就加咗個喇叭可以播出汽車行駛嘅聲音，而床板亦可以移動黎模仿汽車嘅郁動。如果你個BB醒目到認得出車聲同行緊邊條路，你仲可以用電話APP紀錄低平時行嘅路程、錄埋音，返黎駁返落張床到佢就識自己重現成程車！你話如果有大人版幾好呢！

目前「MAX Motor Dreams」都仲係研發階段，我就好希望佢哋成功之後可以出個大人床版——咁我咪可以晚晚車震住黎瞓囉——同隻左手。