天時暑熱想食返杯雪糕涼快吓是人之常情吧？但日本作家丁宗鐵就指，突然喜歡食雪糕好有可能係癌症先兆！嘩！唔L係呀化！

日本網站rocketnews24報導，日本作家丁宗鐵早年係一名內科醫生，喺佢嘅新作《癌症厭惡的食物》一書談到，經過佢長期觀察，一啲癌症病人會突然愛上食雪糕。而且突然鍾意食雪糕嘅癌症病人接受治療後，比對雪糕提唔起興趣嘅癌症病人復發率多好多！

丁宗鐵經過進一步研究發現，癌症病人突然喜歡食雪糕，極有可能係體內嘅惡性組織作祟。因為雪糕等垃圾食品含糖量極高，攝入後可以迅速為癌細胞提供葡萄糖，理所當然地為癌細胞「給力」。另外，冰凍而且含糖量高嘅食物係癌細胞滋生嘅溫床，癌症病人食用雪糕後，身體免疫功能會下降，導致體內癌細胞不斷大肆蔓延。

丁宗鐵喺書中多次表示，自己無意抨擊雪糕等含糖量高嘅垃圾食品，只係提醒大家，如果突然愛上食雪糕，一定要提高警惕。