早前介紹過最保值影音品牌，其中一間就是美國巨獸麥景圖，如果你有閒錢除左買手錶買鑽石比女女外，其實可以考慮買部巨獸音響後送比自己，係屋企聽下歌做下文藝青年。早前麥景圖就宣佈推出全新後級McIntosh MC462。繼續有一貫McIntosh標緻式儀表板醒神大方，外觀好有美式大卡車的美學，面前見到的藍光用左直接LED背光，色彩調較準確出到麥景圖色唔係求其製作。正題介紹佢是一部力大無窮的450W後級，可以推動大部份惡搞喇叭。如果儲埋用一套麥景圖相信你屋企單位樓價都應該有機會升值十皮。

呢部450Watt的後級MC462係四平衡功率擴音機 ，可能你估唔到咁美觀又大舊的巨獸係 McIntosh位於紐約工廠人手工製造，不過你應估到呢部野價格不菲要定價12,495英鎊。即十皮野一部，你話佢貴其實唔貴，因為你計返佢有好好的二手價值加上本身強大機能，投資一套好的音響一兩年後回吐又可玩第二樣野，其實只是一刻間你能否捨得出手的問題。

呢部新機的推出當然是為取代廠方之前的型號，新一代MC462立體聲擴音機對比舊款係獲得了大量更新改變。最突出的是濾波器容量增加了近50％，導致動態餘量從1.8dB增加到3.0dB，顯著增加了66％。這使得MC462能夠輕鬆處理動態的劇烈波動(音響裡好重視動態對比反應和高低延伸)，並且毫不費力地輕鬆再現您喜愛的音樂。由於濾波器容量的增加，低音性能也得到改善。新款機節能環保就一定做足，電源管理系統可以在沒有檢測到輸入信號的一段時間後關閉後級。內部佈線和選擇電路元件也進行了升級。全部其實都是一貫麥景圖正常的風格。