可能大家都會聽過身邊啲女人提及過一個叫做「亞歷山大」嘅台灣混血B，因為生得夠可愛，堪稱姐篇中港台，但近年其老…媽子以「亞歷山大」嘅名義開咗個FB Page，除咗分享生活照之外，仲有好多疑似「打手」文，結果惹來部份網友攻擊，話佢犧牲個B嘅童年黎賺錢，結果連FB Page都被逼關閉。

其實喺呢個資訊流通得咁快嘅年代，只要個B生得夠可愛，會紅係一個好合理嘅事。就好似近年喺南韓都有一個混血蘿莉B「Breanna」，本身只係同南韓裔爸爸和菲律賓裔媽媽住喺南韓斧山一個小單位，但之從媽媽幫佢開咗個Instagram之後，呢個五歲個蘿莉(同佢一家四口)就吸引過百萬Followers，而且大部份都來自中東。咁你知中東啲油王唔係正常人黎架嘛，於是就由送各種禮物，到全程免費請佢全家去杜拜玩。