肺炎肆虐全球，香港嘅大家都知戴口罩保護自己保護他人，但喺美國似乎就唔係個個都願意咁做，近日甚至有人散佈假消息，指戴口罩會引致腦癌！

嗱你聽埋落去先鬧呀下！個假消息係咁嘅：口罩入面條鐵線，其實係條5G天線，係政府用黎發射無線電波，監察同控制市民行為思想，最終會導致戴口罩者患上腦癌，所以個結論就係大家唔好戴口罩！美國CBS追查網上流傳嘅假消息，發現網上曾有一位女士拍片剪開一個外科口罩，拎出入面條鐵線，聲稱呢條係5G天線，更指「他們計劃這樣殺死我們」，相信就係假消息來源。CBD記者更自己剪開一個外科口罩，再剪開埋條鐵線黎證明佢真係一條用膠包住嘅鐵線，以破解謠言。

值得一提嘅係，4月時CBS亦已經破解過網上指5G天線可以散播肺炎病毒嘅傳言。