以前啲人話出街可以唔帶銀包、唔帶鎖匙，但唔可以唔帶電話；依家，電話你都可以唔帶，但你唔可以唔戴口罩。自從口罩成為大家出街嘅必須品，大家每隔一排都要使啲錢去入貨，咁既然都係要用，有冇諗過買「香港熔噴工廠」聯乘百年茶飲品牌「源吉林」推出嘅慈善限定套裝？仲可以支持一下流浪貓狗組織！

慈善套裝分三款，最基本嘅試用套裝賣HK$59，包括換上源吉林包裝、由香港熔噴工廠製造、PFE>99%、BFE>99%嘅30片獨立包裝口罩，再加源吉林甘和茶(盒仔茶) 單包裝。基本套裝賣HK$79，就可以有埋酒精搓手液1枝及濕紙巾1包；HK$99有升級套裝，就有口罩、盒仔茶、加源吉林源廣和人參浸膏1盒 (10包)。而所有慈善套裝嘅收益，扣除成本都會捐去「手牽爪動物救援」以支援流浪貓狗。有口罩用，有得補身、仲可以做善事，一舉三得何樂而不為？有興趣嘅可以去香港熔噴工廠嘅網店購買。