好多人習慣一瞓醒就立刻去小便，但有醫生指出，睡眠時，人體代謝水平降低、心跳減慢、血壓下降。如果喺呢啲情況下突然下地去廁所，膀胱迅速排空，會容易誘發低血壓，引起大腦短暫性供血不足，導致排尿性暈厥。所以就算幾急都好，一起身，最好喺床上坐幾分鐘，再慢慢行去廁所，畀身體Warm up返。

2.忌醒後馬上進食

其實瞓醒後，胃部一般需要十幾分鐘至半小時先可以如常運作，加上早上唾液同胃液分泌量相對較少，如果一起床立即進食，會易導致消化不良。有醫生建議，朝早起身後，最好先飲一杯水，過段時間再進食。呢杯水不單能補充睡眠時失去的水分，增加消化液分泌，仲可以促進血液循環，防止心血管意外的發生。

3.忌醒後立即疊被子

你以為一起身即刻疊被係良好習慣？不過有科學家指出，即使係非常整潔的臥室，每張床上都有至少1500萬隻塵蟎。而疊好嘅被會輕易保存人體溫度同汗液，為塵蟎創造生存條件。另外，人喺睡眠中會排出大量廢氣，呢啲物質都會吸附喺被子上。如果起床後馬上疊被，呢啲物質會不易散發，導致有害物質積累和微生物繁殖，危害健康。

4.忌醒後賴床不起

唔少人都有賴床習慣，但其實賴床反而會令人覺得四肢發沉、精神萎靡、頭暈目眩。而有啲人就會等鬧鐘響了幾遍，先匆忙起身，咁會令交感神經過度興奮，自主神經發生紊亂，容易讓人心情煩躁。

5.忌起床不拉開窗簾

唔少人起床後都懶得拉開窗簾，但其實如何想從睡眠狀態中迅速清醒，最好就先拉開窗簾，讓陽光照射進來，給生物鐘一個信號。當接觸到陽光，身體先會停止分泌令人困倦的褪黑激素，增加大腦內血清素（帶來愉悅感和幸福感的激素）的水平。