講嘅係一位名叫山田惠輔嘅日本男子，年約28歲，已經係當地有名嘅藝術家，而佢嘅創作平台，就放咗喺一條蕉之上。係，小編無講錯，讀者無聽錯，係平時我哋當生果咁食嘅香蕉，但係山田惠輔眼中，只要係蕉就可以將佢化作無限可能！

山田先生可以係香蕉之上雕塑真人頭像、虛擬漫畫人物以及動物等等都一律無問題，絕對係一位非常厲害嘅香蕉雕刻職人。由2010年5開始不斷發表創作外，山田先生亦會開班授徒，將呢個與別不同嘅香蕉世界，介紹俾任何有志之士。

大家亦可以有樣學樣，下次食生果之前，不妨停一停、諗一諗，面前嘅橙、士多啤梨、奇異果，榴槤等等，可唔可以成為你嘅創作平台？