各位Gentlemen，你哋以為咖啡飲落口先可以愈嗒愈有味咩？小編就話唔係，有另外一個方式嗒咖啡先仲加有味道，就係唔好飲，倒咗佢！

喂！玩咩，唔好飲倒咗佢，你估做緊星爺啲戲咩！

唔好勞氣，聽埋小編講先，唔係真係將杯咖啡倒出嚟，而係將咖啡濺出，當成畫畫用顏料，再用杯或手指去完成一幅畫，用呢種藝術途徑去發揮咖啡另一種潛在魅力，一路嗒咖啡一路畫畫，諗落都好鬼詩意唯美。

27歲，來自意大利的藝術家Giulia Bernadelli，就係呢個咖啡藝術嘅推廣人，皆因佢想用最日常或最自然嘅材料，例如咖啡或果皮等等去創作藝術，而且無plan過去點樣去創作，手邊有咖啡就用咖啡，仲之見乜用乜，呢啲先至叫瀟灑！如果你自問都有啲藝術天份，呢種創作絕對可以助你隨時用嚟冧女，成本非常低。