完全唔明白點解呢股潮流會出現囉，明明各位女士影相嘅時候，都希望影到自己最瘦嘅一面，就角度又好，就甫士又好，點都要影到自己有咁瘦得咁瘦，但家陣韓國嗰邊又傳出最新潮流嘅自拍潮流，係要暴露自己個雙下爬喎。

潮流源頭，係嚟自韓國女子組合Dal Shabet嘅秀彬，早排佢係intagram upload咗一幅雙下爬自拍照後，粉絲們見到不嬲走開靚女路線嘅佢，都肯玩嘢，騷自己醜樣嘅一面俾大家睇，粉絲們見偶像都咁真情流露，唔介意露出雙下爬，見狀不如自己跟埋一份。

係囉，唔駛下下都要扮到自己完美勁靚女嘅，咁樣太離地啦，陣唔時流露另一面出嚟，個人先夠立體，粉絲先會like嫁。