晴空塔裡的江戶時代金魚仙境

文：MenClub Mean娜　　圖：互聯網
POSTED ON 31 May 2016

記唔記得之前MenClub日本天氣女郎Myako著住清純水手服，同大家介紹東京晴空塔呢？其實去到晴空塔，除咗可以濕平同睇風景，仲有個「墨田水族館」畀你悠閒地欣賞海洋生物。如果你之前已經去過，唔好以為冇需要去第二次呀，因為「墨田水族館」嚟緊7月1日至9月30日，會有個「お江戸の金魚ワンダーランド」（江戶的金魚仙境）活動，聽聞佈置古色古香甚有韻味，仲會展出多種特別金魚，值得一去架！

「お江戸の金魚ワンダーランド」展場全長100公尺，將設有31個大水槽，裡面放有23種唔同品種嘅金魚，加加埋埋有成1000條以上嘅金魚游嚟游去，絕對係名符其實嘅金魚仙境呀！

展場嘅水槽上方仲會掛有150個金魚燈籠同超過500個江戸風鈴，相信現場睇一定勁靚！鍾意嘅話，仲可以即場學埋點整金魚形狀嘅紙燈籠添！



除咗睇金魚之外，「お江戸の金魚ワンダーランド」仲有講座，同你講解關於金魚嘅小知識。

同時「墨田水族館」裡面嘅「企鵝Cafe」都會配合是次主題，調製出一系列金魚飲品，飲完仲可以將個魚缸杯帶走添呀～


另外仲有提子口味嘅金魚雪糕～（雖然唔知同金魚有咩關係……）

有興趣去睇嘅話，7月1日到9月30日記住去「お江戸の金魚ワンダーランド」走返轉呀！
Sourc︰http://nlab.itmedia.co.jp/nl/articles/1605/19/news077.html