{ SKIP }
文:MenClub 魏文青  圖:互聯網
POSTED ON 09 Jul 2014


話說由J.J Abrams 執導嘅《星戰7》正在火熱拍攝中,近日網上就流出左以上呢段聲稱喺德國法蘭克福機場拍嘅片。片中見到一堆帝國軍載具大模斯樣咁走嚟走去,驟眼睇仲以為帝國軍殺到地球!不過,明眼人一睇就知係CG動畫啦!

憑住高科技感外形,星戰系列載具一向非常受歡迎!就等我地一路睇、一路學下呢條片入面嘅幾款載具。老《星戰》迷就當懷緬過去,年青fans就當做定功課,準備出年入場睇新戲啦!



上方是「TIE Fighter」(中文:鈦戰機)。外殻由兩塊八角型太陽能板機翼、加中間的球型駕駛艙組成。機身輕巧,配雙離子引擎,速度與靈活性兼備。但因放棄了救生系統和護盾等裝備而變得非常脆弱。武器就只有兩門SFS L-s1雷射加農炮。因造價低廉,戰鬥時以由機海戰術為主,名副其實「膽正命平」。


下方是「Lambda-Class T-4a Shuttle」,帝國軍運載士兵和物資的主要工具,有時亦會用作運送高級軍員。基本武裝有兩支可轉動Taim&Bak KX5雙管雷射加農炮和、Taim&Bak GA-60s 雙管雷射加農炮和後裝的ArMek R-T0雙管激光炮,裝甲方面則有強力的反射盾,是帝國軍縱橫宇宙的必備佳品。



左方的四足載具為著名的AT-AT(All Terrain Armored Transport)。原意用作帝國軍的地面運輸用具,但因擁有非常厚重的裝甲令其近乎無堅不摧。武裝方面有兩門Taim&Bak MS-1 重裝雷射炮和兩門連射激光炮。有無睇過魔戒三部曲?佢就係入面啲長毛象騎兵嘞!


右下方的兩足載具是AT-ST (All Terrain Scout Transport)偵察及地面支援載具。比起體積巨大的四足AT-AT,AT-ST換來了可以在叢林中穿梭的靈活性。配上Taim&Bak MS-4雙激光炮、E-Web 輕型雙激光炮和和Dymek DW-3震撼榴彈發射器,為地面部隊提供火力支援。

背景上出現的「Star Destroyer」(滅星者星際驅逐艦)。作為帝國軍的主力戰艦,長1600公尺,外殼以鐵磁體陶瓷所製。可載6個小隊共72架鈦戰機、兩架Lambda-Class Shuttle大量地面部隊(包括AT-AT、AT-ST等)。艦身亦裝有雷射炮、離子炮和牽引光速。1600公尺有幾長?即係如果呢架嘢打直放係九龍,就岩岩好由尖沙咀遮到落油麻地!

今次就講住咁多先!下次有機會可以同大家講下反抗軍的載具!May the force be with you!

由Sony動畫製作嘅Netflix原創動畫電影《Kpop 獵魔女團(KPop Demon Hunters)》,將K-pop偶像、奇幻元素同韓國傳統文化巧妙融合,自6月20日上架後火速席捲全球。除咗破紀錄成為Netflix有史以嚟最多人觀看嘅原創動畫 ...
hobby
【影視】Netflix原創動畫《Kpop 獵魔女團》爆紅 官方正籌備兩部續集及考慮翻拍真人版
01 Aug 2025
為回歸《Dune: Part Three(沙丘瀚戰:第三章)》再演劍術大師Duncan Idaho,Jason Momoa近日親手剃掉留咗6年嘅濃密鬍鬚,並將整個過程拍低上傳到社交平台。 blockquote class="instagram-media" data-instgrm-pe ...
hobby
【影視】Jason Momoa為拍攝《Dune3》六年來首次剃鬚:該死的,我討厭這個樣子
01 Aug 2025