電力無窮 Tesla電弧火機

文：MenClub 魏文青　　
POSTED ON 28 Nov 2016

天氣凍，又開始翻風，又係挑戰各位煙民意志有幾堅定嘅時候——因為要特登走出戶外吹住風黎「呼吸」，真係唔係一件易事。另一件好難嘅事，就係點煙啦！普通火機個火一吹就熄，要點著支煙就要左遮右遮，有時都幾狼狽。喺呢個時候，你最需要嘅就係呢個Tesla電弧火機啦。

首先，嚴格上呢個唔算係「火」機，因為佢唔係用火，而係用一條電弧(特斯拉線圈Tesla Coil)黎產生熱力。因為冇火，所以吹唔熄；因為用電，所以又只需要叉電。而且只需要撳個掣黎點得著嘅關係，基本上亦唔會出現撻唔著嘅情況，而且就算戴住手套都可以用。簡單啲黎講就係輕鬆簡單方便快捷又環保啦！

不過要注意嘅係因為用電，構造上同電槍冇咩分別，所以拎出街用好有可能會比人當係攻擊性武器。所以買之前最好三思呀！