{ SKIP }
文:MenClub 魏文青  
POSTED ON 15 May 2017
文青介紹過唔少咩汽車改造嘅屋、露營車咁,雖然就話同香港樓價比好平,但如果真係以流動家居黎講其實又幾貴,唔知大家有冇懷疑過係咪真係有人租黎住?答案係有嘅,仲係一個你都識嘅人——Will Smith!!


卻說Will Smith拍戲嘅時候原來係會租住由Anderson Mobile Estate出嘅流動家居黎住——又或者準確啲講,係一架長53尺、有22個轆嘅「貨櫃屋」。間屋左右同屋頂都可以延伸,樓高兩層,總面積係幾多唔知,淨係知佢可以騰到個1200尺嘅「生活/會議空間」出黎。而且擁有功能齊全嘅廚房、浴室,仲有主人房、客房、起居室、甚至小朋友玩樂區等等。傢俬就大量使用皮革、橡木同大理石,再加上週圍都係嘅電視、無死角嘅車外監視鏡頭,Will Smith租嘅型號仲有錄音室添!全身加埋超過30噸,唔怪得要用拖頭拖啦!


咁驚人嘅設備,價錢就當然同樣驚人。據報成架車造價要成250萬美金,租一個星期就8750美金,即係68000銀港紙,一個月加埋就要27萬!仲未計要請司機工人廚師乜乜物物。咁都有人幫襯,咁其他平價流動屋點會唔Work先得架!
Anderson Mobile Estates






Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025