以前身為一個「百萬富翁」已經算係一個有錢人，但近年「千萬富翁」乃至「億萬富翁」都大有人在，而且有機構分析指，最快幾年內，地球就會出現首個「兆萬富翁」，而佢就係目前嘅全球首富Elon Musk！

分析機構 Tipati Approve指出，Elon Musk嘅資產由2017年起就以每年129%嘅速率增長，當中最大功勞當然係來自Tesla業務增長以及股價上漲，而隨住潛在發展空間更大、訂單金額更大嘅Space X亦漸成氣候，近年包辦大批政府、企業嘅訂單，以及未來幾年嘅通漲，佢哋相信最快去到2024年，Elon Musk嘅身家就會達到1.38兆美金，成為世界首個「兆萬富翁」。

不過咁，根據早前Elon Musk (前) 女友 Grimes指控，哪怕目前Elon Musk已經係全球首富，但佢依然係住組合屋、連續八日食花生醬，過住啲「貧窮線以下」嘅生活，箇中原因係Elon Musk情願將大部錢都掉哂落Space X嘅火星計劃，都唔願意使落自己同家人身上。所以假若Elon Musk真係成為兆萬富翁，或者代表人類登陸火星嘅機會又大一啲？

資料來源：Teslarati