尋晚一場英超賽事熱刺vs愛華頓，本來並唔算非常受關注，比賽亦都唔算精彩，但卻因為熱刺射手孫興慜一次攔截受盡球迷關注。

今場比賽63分鐘，熱刺憑住迪利阿里嘅入球領先愛華頓，但其後孫興慜一次回後場嘅攔截，將對方中場安祖高美斯從後剷低，而後者再與拍埋黎嘅奧利亞相撞。本來孫興慜呢一下攔截球證都只係比黃牌，但當佢睇到高美斯嘅傷勢就即刻轉為出示紅牌，因為高美斯嘅右腳腳裸疑似被孫興慜及奧利亞夾斷了...

而當孫興慜見到高美斯嘅傷勢後，即時情緒激動潰崩爆喊，明顯對方嚴重受傷令佢非常內疚，甚至愛華頓球員要主動安慰孫興慜。眼見孫興慜情緒因內疚受影響，同時另一涉事球員奧利亞亦都心不在焉，因此普捷天奴被迫將兩人換走。

而因為高美斯受傷下，比賽需要補時12分鐘，唔知係咪因為場上球員情緒受影響，定還是愛華頓球員為高美斯硬緊牙關，最終佢地於比賽97分鐘，憑住辛克杜辛衝頂成功扳成平手，最終雙方1:1握手而和。