要數網球歷史上最偉大嘅球員(GOAT)，「瑞士天王」費達拿絕對係現時最有資格嘅一位，歷史最多嘅20個大滿貫冠軍，戰至38歲仍然係現今最強球員之一，能夠緊貼佢嘅現役球員就只有「泥地王」拿度及祖高域。咁對於費天王黎講，拿度同祖高域邊一位球手更偉大呢？

費達拿首先認為兩位球手都已經係歷史級別，而拿度擁有更多大滿貫冠軍(拿度19個、祖高域16個)，而祖高域就排名世界第一時間更長。2019年四大滿貫，拿度及祖高域各拎左兩個，係旗鼓相當嘅一年。

不過，費達拿仍然有佢嘅答案，佢認為目前為止拿度比祖高域更偉大，特別係前者於法網奪得12次冠軍嘅表現係難以置信的。而費達拿亦認為，未來幾年拿度與祖高域嘅競爭仍然會非常激烈。

雖然未來可能係拿度及祖高域之爭，但係費達拿仍然係目前歷史擁有最多大滿貫冠軍(20個)及排名世界第一最長週數(310週)嘅球員。當三位球手都退役之外，再睇下邊一位算得上係GOAT！