世界反興奮劑機構日前宣布，俄羅斯因為曾修改運動員數據紀錄，試圖隱暪服用禁藥，所以將會禁止「戰鬥民族」未來4年參加任何大型運動賽事，即係包括世界盃、奧運等。對此，俄羅斯總統普京表達不滿，佢認為任何懲罰都應該針對個人，而不能具有針對集體的性質。

消息指，俄羅斯於1月提交莫斯科實驗室嘅運動員藥檢報名，有過百份運動員數據紀錄曾被修改過，藉此隱暪運動員曾服用過禁藥，其後更有指當局指責告密者，試圖轉移視線。因此世界反興奮劑機構決定對俄羅斯進行嚴重嘅懲罰，禁止佢地未來四年參加任何運動賽事，其中2020東京奧運及2022卡塔爾世界盃等都會缺席。如果當中沒有服食禁藥嘅俄羅斯運動員想參加賽事，將只可以以獨立運動員身分參賽，即使成功得獎現場亦不會播起俄羅斯國歌。

不過，唯一好消息係作為明年舉行嘅歐國盃12個主辦國之一，俄羅斯仍然可以參加及協辦呢項賽事。

作為「戰鬥民族」嘅話事人，總統普京直言世界反興奮劑機構嘅裁決並不公平，因為佢覺得任何懲罰都應該針對個人，而不應該具有針對集體嘅性質，不可以擴大到與確定違法行為無關嘅人，呢個好大程度上係出於政治考量。唔知點解普京講嘅野寧舍有說服力，就好似講緊香港有啲人當左所有市民都係罪犯一樣，毫無理據打人鬧人又拉又鎖，並且特別針對年輕人，實在令人憤怒。