已經離開美職聯嘅前曼聯球星朗尼，較早前接受英冠球隊打比郡嘅邀請，加盟當中並成為球員兼教練。值得一提嘅係，目前嘅車路士領隊林伯特於執教車路士前正正就係執教打比郡。

對於即將作為球員兼教練，34歲嘅朗尼首先覺得自己仍然具有出戰英超嘅能力，其次佢亦都雄心壯志，希望帶領球隊再度殺上英超。

如今打比郡在英冠排名第16位，距離可以參加附加賽席位嘅聯賽第六尚有9分之差，比賽場次則還有24場，所以數據上係仍然有可能的。

對於自己嘅年齡問題，朗尼並無太大擔心，因為佢覺得當年傑斯30歲尾仍然喺英超交出好表現，而如今38歲嘅巴利情況亦都一樣。當然，朗尼認為身體能力於比賽時非常重要，但用腦比賽亦都同樣重要，所以佢覺得自己仍然可以為球隊帶來貢獻。

朗尼表示自己計劃未來會到球會進行管理工作，但而家佢仍然係以比賽為主，佢仲未有退役嘅打算。