美斯於球場上嘅實力一早已經獲得肯定，但令人意想唔到嘅係，其罰球能力近年仍然不斷上升，甚至已經成為目前世界最強嘅罰球大師。

近幾季，每逢巴塞於前場禁區外附近位置獲得罰球，敵隊都一定非常緊張，因為佢地知道美斯絕對有能力將罰球轉化為入球。而美斯自己亦不斷改善自己，佢唔甘願停喺原地，務求向住完美進發。

美斯指，近年佢一直鑽研自己嘅技術，特別係罰球方法，佢會去睇門將嘅細微移動，睇下對方點樣擺人牆等等。除左以上呢啲，佢實際上做嘅野、留意嘅細節比以往更多，為嘅就係令自己變得更好。

當一位天才仍然不斷想提升自己，去留意普通人唔會留意嘅野，就係憑住呢啲細節去改進，究竟天才仲可以變得有幾好，有幾恐佈呢？