較早前轉會窗關上前，曼聯成功壓哨完成一宗交易，就係從中超球隊上海申花以300萬鎊租借尼日利亞前鋒恩哈路(Odion Ighalo)。對於恩哈路本人當然係開心到震，但外界卻有不少聲音批評曼聯此舉完全係貶低自己身價。

今個星期，曼聯未有任何賽事，因此決定到西班牙進行習訓，不過剛從中國黎到英國曼徹斯特30歲嘅恩哈路卻因為武漢肺炎一事被迫留喺英國獨自進行訓練，因為球隊擔心恩哈路一離開英國就會被限制入境，要知道現在世界各國都限制黎自中國嘅人士。

唔單止無得離開英國獨自訓練，恩哈路亦被前英超名宿哈索賓基過橋黎嘲諷曼聯。呢位前車路士射手就表示，恩哈路雖曾效力屈福特，但已經係2017年嘅事，過去幾年佢都只係效力低水平嘅中超，實力成疑，如今卻被曼聯借用。

哈索賓基又表示，從恩哈路嘅租借交易可以睇得出，曼聯如今已經墮落了，佢地距離利物浦、曼城，甚至車路士已經越黎越遠，佢地無可能會去收購一名已經過氣嘅中超球員，呢宗交易係令人驚訝的。

效力上海申花期間，恩哈路上陣19場攻入10球，表現尚算可以。