剛剛一週「紅魔鬼」曼聯與愛華頓僅僅踢成1:1平手，痛失兩分，未能追貼第4位嘅車路士，同時與第六位嘅狼隊同分，爭四情況並不樂觀。而今仗曼聯失分嘅其中一位罪臣，必定係門將迪基亞。

作為曼聯近幾年嘅「定海神針」，迪基亞今季及上季的表現難以令人滿意，特別係與愛華頓早段嘅失球，足以說明其問題所在。

在比賽僅3分鐘，迪基亞就因為喺禁區歎慢板，大腳斬向前場之際對方前鋒卡華利雲剛好跑至其門前伸腳，最終皮球剛好省落卡華利雲腳上並反彈入網。

對於呢個失球，曼聯名將堅尼非常嚴勵批評迪基亞:「作為主教練或者隊友，你會想殺死佢的，佢呢一球絕對係自作聰明。」

「佢呢球拖得太耐了，佢等咩呢？如果你想處理球，至少要快一點，佢係一個有經驗嘅門將，佢等咩呢究竟？喺裡面睇黎有點自大。如果係我，會喺半場就將佢換下，我知道門將會犯錯，但呢種錯誤係無任何藉口的。」

曾經作為曼聯的最佳球員，29歲的迪基亞在曼聯好似已經迷失了，上季加上今季他已經有7次直接送入球比對手，最佳門將真的要殞落了。