目前武漢肺炎仍然全球肆虐，其中意大利就更加屬於嚴重地區，因此意甲聯賽亦已經全數暫停，幾時可以重開暫時都係未知之數。不過，祖雲達斯方面已經表態，希望提前續約陣中巨星C朗拿度，希望將佢挷至39歲。

現年35歲作為前鋒嘅C朗拿度，雖然年齡方面已經屬於球員晚期，但其狀態及表現仍然屬於世界頂級，入球數量並未有下跌趨勢。因此，祖雲達斯希望提前與C朗續約，本來C朗與祖雲達斯嘅合同去到2022年夏天的，但球隊希望續約多兩年至2024年，亦即係話合約到期的時候C朗已經39歲了。

人工方面，C朗目前在祖雲達斯嘅週薪為50萬鎊，如果提前續約C朗要求更高人工絕對是正常的，但再為一位年齡即將40歲的球員加薪，在球圈絕對是非常罕見的。

今季C朗拿度為祖雲達斯上陣32場攻入25球，當中在意甲則上陣22場攻入21球，暫時佔據聯賽榜首位置。歐聯方面，打進16強嘅祖雲達斯於首回合作客落後里昂一球，但目前因為疫情關係暫時未知歐聯會何時重開。