湖人傳奇Kobe Bryant不經不覺已經離開了我們5個月，還記得當日突然收到Kobe離世的消息自己有咩反應嗎? 我諗應該會呆左好一段時間，因為當刻實在係接受唔到呢個消息，甚至如今你仍然未能接受....

對於Kobe離世的原因，當日天氣問題導致直升機升事呢一點係明確的，但當中更多內情並未有公佈，如今美國國家運輸安全委員會終於對呢次事件發表完整調查結果。

呢份調查報告入面，因為天氣狀況導致直升機駕駛員 Ara Zobayan 出現一系列操作及判斷上嘅錯誤。在直升機墜機前一日，Ara Zobayan 曾駕駛同一款直升機飛往同一目的地 - 加利福尼亞州卡馬里洛機場，當然佢成功完成呢次行程。

而意外發生當日，Ara Zobayan 從加州聖塔安娜接了 Kobe及其女兒Gigi，其後直升機一路運作都正常，期間在一處因其他空中交通而需要停留一會。不過其後 Ara Zobayan 在經過加州卡拉巴薩斯時決定轉彎及下降嘅計畫並未詢問或通報空中交通管制員，而當日早晨時份該區域大霧得足以令人分不清方向。就在失事前幾分鐘， Ara Zobayan 向通訊塔回報直升機在 4,000 英呎高空上攀升，但根據調查結果顯示，當時他們其實正急速向下飛行。

在調查報各中有一段直升機機長及通訊塔管制員嘅最後一段對話，當時 Ara Zobayan 獲得管制員嘅許可，以目視進行飛行，並決定盡可能靠近地面以避開大霧，同時以地面的高速公路為自己進行導航。可惜嘅係，4分鐘之後直升機卻失聯。管制員向 Ara Zobayan 查問其飛行計劃，Ara Zobayan 回覆表示：「我們正攀升到 4,000 英呎。」然後管制員詢問 Ara Zobayan 之所以攀升至高度時是什麼意圖，但其後卻再沒有得到任何回應....

從直升機最後一分鐘路徑圖表顯示，它正在離開高速公路並向左擺動，其後直接飛向山谷同時爬升，隨後不明所以地向左轉，導致直升機以相當大的力量撞向山頂，之後嘅事大家都已經知道了...