15:30更新：據CNN報導，日本政府確定東京奧運將如期舉行，否定《泰晤士報》有關傳言，並正舉行會議相討相關預防措施。

昨日（21日）國際奧林匹克委員會（IOC）主席巴赫（Thomas Bach）接受日媒《共同社》訪問，對於受疫病影響而延期一年嘅東京奧運表示，「目前無任何理由相信7月唔會開幕，所以唔會有PLAN B」，否定京奧會取消或延期可能性。

國際奧林匹克委員會主席Thomas Bach（圖片截至：olympic.org）

巴赫強調「對舉辦奧運嘅決心與自信同去年11月受訪時一樣」，更表示「今時今日同上年唔同，所有運動員都期待可以去到東京」。

新國立競技場將會成為東京奧運主場館（圖片截至：WIKI）

雖然奧委會信誓旦旦講到東京奧運會如期舉辦，但今日英國《泰晤士報》引述日本執政聯盟高層消息，由於疫情問題，日本政府已經私下傾好將會取消奧運，只係等緊一個適當時機宣布，同時希望可以保留主辦權，可能改到2032年再辦。

據早前《共同社》民意調查顯示，大約8成受訪日本民眾都認為東京奧運會應該中止或延期，相信就算日本宣布取消奧運各位國民都會諒解。如果今屆奧運取消，將會成為1896年以嚟第一次唔係受戰爭而被迫取消嘅奧運。

資料來源：英國泰晤士報、共同社、共同社民調