「瑞士天王」費達拿雖然已經39歲，但仍然係世界上最出色嘅網球手之一，亦都係世界上最受歡迎嘅網球手。伴隨住「費天王」嘅受歡迎程度，搵佢代言嘅品牌仍然多不勝數，其中當然就包括運動品牌啦。

作為「費天王」同鄉嘅瑞士高性能鞋品牌On，近日就再為呢位GOAT推出全新網球鞋款The ROGER Pro，而眼利嘅朋友相信已經喺2021卡達公開賽入面見到費達拿著起呢對新鞋。

鞋嘅設計冢簡約行先，不過同時不失標誌性點綴，講緊嘅當然就係On同R嘅一體Logo，而鞋嘅後踭位置更印有瑞士國旗，擺到明成對鞋都係為費達拿而製的。

據指今次呢對The ROGER Pro費達拿亦全程參與開發工程，所冢必定非常適合佢本人，唔知遙遠嘅香港又買唔買得到呢?