可能係網球GOAT嘅「瑞士天王」費達拿，即將由佳士得為佢舉辦兩場「費達拿珍藏」拍賣會，而兩場拍賣會嘅所有收益都會捐至費達拿基金會。

今次舉行嘅兩場拍賣會，當中嘅所有物品都係屬於費達拿生涯重要嘅20樣物品，其中好似奪得大滿貫期間用嘅球拍、著嘅衫褲、、鞋、頭帶等，而呢啲物品都會有費達拿嘅親筆簽名。

費達拿表示：「呢啲拍賣中嘅每件物品均代表我網球運動生涯中嘅一個特別時刻，今次拍賣讓我能夠同世界各地嘅球迷分享我嘅私人珍藏，更重要嘅係，拍賣款項將會支持費達拿基金會嘅工作，令我地可以繼續為非洲及瑞士嘅兒童提供教育資源。」

預計今次拍賣嘅物品估價介乎3,000至70,000英鎊，作為其Fans嘅絕對可以留意下，每一件都係珍品，極具收藏價值。