近日英國球壇發起杯葛使用社交媒體行動，於4月30至5月3日期間停止更新球會Facebook、Instagram、Twitter帳號，以反對網絡欺凌及歧視行為。英國欖球界、板球界、單車界、馬術界各大聯盟亦相繼加入支持，甚至F1車手咸美頓都有份加入行動，呼籲各位正視網絡欺凌問題。

早於今年2月，英格蘭足總就去信過畀Facebook CEO Mark Zuckerberg以及Twitter CEO Jack Dorsey，要求佢哋過濾社交媒體上有所種族歧視內容。Twiter隨即發布一份聲明書，承諾將會杜絕所有種族歧視行為；而Instagram就喺上禮拜出咗新工具，令用戶可以自動過濾有關欺凌及歧視信息。

當中利物浦就以口號「STOP HATE STAND UP REPORT IT」（停止仇恨，站起來舉報）呼籲球迷舉報歧視言論，更特登係官網整咗個新舉報系統，等球迷可以舉報歧視言論，而收到嘅所有舉報將會交畀有關當局跟進處理。