日前英格蘭以2：1擊敗丹麥，相隔55年再度打入國際大賽決賽，全國球迷陷入狂歡。一眾未捧盃就先興奮嘅英國市民，近日發起網上聯署，要求英格蘭若然奪冠，就將決賽翌日定為假期，令全國人民可以盡情慶祝，目前已獲得近30萬人簽署支持。

市民爬上巴士慶祝英格蘭打入決賽。（圖片截自：youtube）

根據《衛報》報導，對於民眾強烈訴求，英國首相Boris Johnson表示「認為咁做係『玩命（tempting fate）』，希望睇定啲先。」官方發言人隨後亦補充，佢哋當然想英格蘭捧盃，但就唔想預先斷言賽果，將會喺適當時候制定計劃。同時希望僱主們可以彈性處理，容許員工遲到或請假。不過有消息人士指依家將下禮拜一定為假期太過倉促，政府考慮緊再擇吉日放假。

（圖片截自：Reuters）