正所謂「波係圓嘅」，而花式足球個波當然都係圓啦。嗱，真係唔好以為星級足球員先受關注，我地香港就有一位花式足球代表都一樣受世界關注，佢就係施寶盛啦。近日佢就有幸成為西甲新球季專用足球嘅代言人，佢仲喺香港多個地方表演佢嘅絕學添！

黎緊西甲新球季將會起用新波ADRENALINA，係西甲聯同Puma合作推出新球季嘅第二款新專用比賽足球，之前6月則已推出ACCELERATE - 西甲新球季最主要用嘅足球。

ADRENALINA預計將於新球季超過一半嘅賽事中使用，其黃色及藍色嘅配色相信於比賽中間亦會非常搶眼！！