5年前里約奧運會，「美國飛魚」菲比斯本有機會豪取6面金牌，最終卻於100米碟泳失金，僅得一面銀牌。而擊敗菲比斯嘅係當時名不見經傳嘅新加坡泳手Joseph Schooling，當時嘅佢只有21歲。5年後好多野都改變左，唔同晒...唔知佢嘅表現又變成點呢?

當時嘅Schooling當然不被看好，甚至根本無人太留意佢，但最終竟然以50.39秒嘅成績搶走金牌，震驚世界。不過相隔5年後，喺菲比斯退役嘅情況下，Schooling黎緊亦不被看好，因為佢嘅成績並無進步，甚至比5年前退步，其今年最佳成績只有52秒93，排全球200名以外，雖然仍然可以參與奧運，但睇怕佢今次可能第一圈就拜拜，實在令人失望。

而另一邊廂今屆奧運奪冠大熱落入美國泳將Caeleb Dressel身上，呢位24歲嘅泳手喺上個月嘅美國隊測試賽入面遊出本季全球最快成績49秒87，而佢喺2019年更曾創造出世界紀錄49秒50，因此狀態不佳嘅衛冕冠軍Schooling相信都係咁先啦。