東京奧運進行得如火如荼，近日網上就瘋傳一條巴西柔術比賽片段，皆因片中兩位選手鬥得難分難解，其中美女選手Mayssa Bastos更被扯開柔道袍，露出運動內衣，搞到一眾網友睇到非常興奮，大呼「幾時有得睇！」。不過最後發現原來烏龍一場，巴西柔術並非奧運項目，而且條片係嚟自2019年巴西柔術錦標賽。

條片其實係2019年一場巴西柔術比賽，藍衫選手Serena Gabrielli對上白衫選手Mayssa Bastos。巴西柔術同傳統柔道唔一樣，較重視地板扭鬥，以桿原理控制對手關節、制服對方，所以拉扯衣服係好平常嘅事，但由於畫面太過養眼，而被網友意外瘋傳，更有人一度以為係今屆奧運賽事，紛紛留言問賽程表。

雖然巴西柔術唔係奧運項目，但隨住愈嚟愈多項目加入（例如今年加入空手道、滑板、攀岩、棒球同衝浪），相信第時都有機會見到更多運動出現喺國際大賽。不過最後都希望大家將重點放返喺體育競技，欣賞運動員嘅付出。

在 Instagram 查看這則帖子

Mayssa Bastos（@mayssabastos）分享的帖子

在 Instagram 查看這則帖子

Mayssa Bastos（@mayssabastos）分享的帖子