如果你黎緊兩年確保有2000萬鎊嘅人工，你會唔會就咁放棄? 我就肯定唔會，但係就有一位人兄就真係咁做啦，佢就係阿仙奴球員韋利安。

今季阿仙奴開季3戰全敗，0入球兼失9球，排名英超倒數第一，令唔少人大跌眼鏡，一眾廠迷當然咬牙切齒啦！而作為隊中嘅一員，韋利安亦忍無可忍，決心棄掉2000萬鎊人工都勢要離隊。

本身33歲嘅韋利安同阿仙奴仲有兩年合同，就算球隊戰績點差，佢都仲可以賺盡晒啲人工。不過，韋利安就情願人工都唔要都要重返巴西，呢一點令阿仙奴都覺得驚訝，因為喺職業球壇呢種情況係極為罕見的。

其實換轉頭諗，韋利安咁決絕咁多錢都唔要都要走人，可想而知阿仙奴目前隊內嘅情況究竟有幾差，咁樣落去阿迪達睇黎都唔坐得耐啦....