北京冬季奧運賽事將於2022年2月展開，所以選手面都正訓練得如火如荼，並已經抵達北京進行實地訓練。不過，日前卻有選手發生嚴重意外，差啲就死埋添。

據報導指，一名波蘭無舵雪橇選手喺北京練習場練習時，唔知咩原因賽道前方突然落閘，導致佢發生嚴重意外，受傷情況嚴重，幸無生命危險。對此國際奧委會及北京冬奧組委會將會就今次事件進行獨立調查。

今次意外發生嘅情況，係波蘭選手Mateusz Sochowicz喺賽道亮起綠燈嘅時候出發，但在滑行期間嘅其中一個滑道，佢卻突然發現前面竟然有道閘，令佢直接撞上，唔死得真係算大命，佢「只係」左腳膝蓋骨裂及右腳被割傷至入骨。

Sochowicz表示自己當時面對突然出現嘅閘門，佢擺出好似落山滑雪嘅姿勢，佢係諗可以憑住當刻嘅速度跳過那道閘，但結果速度實在太快，所以佢未能及時彈起，但結果已經算係不幸中之大幸，要知道無舵雪橇嘅速度係可以達到140km/h的!