尋日辦舉嘅澳門大賽車當中，香港賽車手歐陽若曦再度出戰澳門GT盃，雖然首回合出現嚴重意外令佢部車損毀，但車隊維修人員通宵進行維修，終於在第二回合比賽前10秒趕及參賽。

作為Craft-Bamboo Racing賽車隊嘅車手，歐陽若曦今次係第17次出戰東望洋賽道，雖然首回合發生意外，但幸得維修人員全力維修，令佢成功趕及參戰第二回合賽事。歐陽若曦於第二回合揸住呢部維修好嘅95號平治AMG GT3，起步即表現出色，成功於葡京彎搶佔第一位帶頭，之後一直領先控制比賽，最終擊敗衛冕嘅中國車手葉弘曆，贏得澳門GT盃次回合賽事，係佢第6次於澳門封王。

其實今次歐陽若曦能夠於第二回合重返賽場係非常唔容易，由於大會公告，歐陽若曦於首回合嘅成績仍然係發生意外前嘅第二名，如果戰車能夠趕及修復出戰，咁次回合佢就會係首排起步。所以一班車隊維修員全力維修，並同時間競賽，終於喺次回合比賽開始前一刻順利起動出賽。

今次能夠收復第一回合嘅損毀逆襲成功，全因一班維修員漏夜趕工，並奇蹟趕及比賽，要知道咁短時間完成維修基本上係一個壯舉，對此歐陽若曦亦非常感謝各位嘅努力。

賽後歐陽若曦表示:「我平常是不會怎麼流眼淚的。但今次在過終點後，都真的很激動地流淚了。因為今次又花了很多時間隔離，比賽又發生那麼多事，在如此困難的環境下，還是能得到這樣的成績，真的十分高興。」