獅子山，一座最能夠代表到香港嘅山峰，對於平時零運動嘅朋友嚟講，莫講話攀咁高難度，就連行上去都要停低休息好幾轉。但今年48歲嘅Gordon Hon，10多年嚟都希望有日能夠透過徒手攀岩（Free Solo）方式登頂，日前本地媒體《Mill MILK》就紀錄咗佢整個圓夢歷程...

（圖片截自：Youtube@ MM - Mill MILK）

所謂嘅徒手攀岩（Free Solo），係指一種攀岩者唔用任何繩索或吊帶等防墜裝備，完全依靠個人力量及技巧嘅攀登方式，換言之有咩意外就會直墮崖底，對挑戰者生理及心理質素要求都極高。或者有人聽到之後會心諗「大佬啊，你唔好咁黐線啦！」、「嫌命長啊？」，但其實佢背後有段故，曾因躁鬱症深陷人生低潮嘅Gordon，全靠攀石經歷先令佢漸漸重拾希望，走出低谷，所以佢想透過自身經歷勉勵大家。

由多位《果籽》前員工組成嘅本地媒體《Mill Milk》，日前就伴隨Gordon出發見證整個挑戰過程，並製作影片帶領觀眾一齊探討佢嘅心路歷程。