香港地少人多，基本上市民嘅住屋問題都未解決，邊有咁多地搞其他野，好似賽車場咁需要咁大地方嘅活動邊可能批到地呀? 但估唔到，原來香港黎緊真係有機會擁有自己嘅賽車場。

據消息指，香港政府正計劃於大嶼山興建香港首個正規賽車場，並會將呢項建設納入北大嶼山填海工程入面。咁大件事無人講? 香港汽車協會對於政府有呢個決定當然就梗係表示支持啦，仲話香港如果有自家賽車場對本地賽車活動意義極大。

政府方面就有體育事務處處長楊德強話，呢項賽車場計劃將會屬於耗資 6,240 億港元嘅明日大愚嶼之中，唔知賽車場嘅造價會佔幾多呢?

而呢個賽車場計劃預計將唔單止賽車，係會為包括電單車、單車、卡丁車及長跑運動提供運動場地之用。