作為如今球壇嘅天之驕子，麥巴比一直係豪門嘅第一爭奪目標，但係由於麥巴比一直示意只想加盟皇馬，所以基本上都無另一支球隊插隻腳埋黎。不過最新消息有指，利物浦突然加入呢次麥巴比爭奪戰中，令皇馬及巴黎聖日耳門都感到難以置信。

Kylian Mbappe is  ????????????????????????????  pic.twitter.com/qvEgMrtCZk

— GOAL (@goal) April 3, 2022

目前，麥巴比與PSG嘅合同今年6月就會到期，至今佢都無同球隊續約，所以離隊嘅機會極大，當然仍然唔排除PSG嘅天價合同可以留住呢位當紅炸子雞。

Kylian Mbappe - 2022 so far pic.twitter.com/oYUX1HyzX1

— ‏ً (@idoxzi) April 4, 2022

正當所有人以為麥巴比只會留喺PSG或加盟皇馬之際，利物浦突入想勸說呢位法國年輕射手轉戰英超。其中一個原因利物浦會加入爭奪麥巴比，係因為PSG有意沙拿，所以令利物浦萌生用沙拿去換麥巴比。

目前麥巴比估計價值至少1.6億歐元，而沙拿則大概值1億歐元，再加上麥巴比比沙拿年輕6歲，所以雙方基本上無可能直接交換，利物浦必須拎出更多金錢或球員先有機會打動PSG。當然，麥巴比有無心去紅軍仍屬未知之數，以一直以黎嘅推斷，佢應該無諗過要轉戰英超的，所以加盟利物浦嘅機會應該不算好大。