Menclub忠實粉絲一定有留意小編之前介紹過有關roll褲腳小知識（原文︰時裝速讀：Roll褲腳須知）。要Roll靚條褲腳，當中有好多細節與學問。

Unroll一條褲腳，即純粹放條褲腳落嚟，原來都有橋妙，起碼褲腳放晒落嚟，同鞋面接觸時所造成嘅折痕效果，唔同比例就有唔同稱呼，包括Full Break、Half break、Quater Break同No Break，係唔係估唔到呢樣嘢都有名嘅呢，點樣分？跟住睇落去就知！

點解會出現Full Break、Half Break、Quater Break同No Break？主要原因係，褲腳比穿著者雙腳長，多出來的部份，製成一度折痕，而「Break」一字的意思，可理解為褲腳與鞋面之間，布料折痕的程度。如兩者之間無折痕，就直接稱之為「No break」（如最後一張圖的示範）。

著西裝時，務求有度身訂造效果，所以No break係最好選擇。

Full Break與No break剛好成對立，後者展示零折痕效果，前者正好示範褲腳與鞋面之間多了一段明顯折痕。視覺上，穿Full Break的男士，身型可能予人「矮了一截」的錯覺。不過，我們不能因此認為Full Break西褲「蝦人著」，避之則吉。重點是：要視乎西褲所選用的材料、質地及類型，以及穿著者的身高、體型及相關比例。

想有casual造型，著chino pants時注入full break效果，感覺上更匹配

至於Half Break，大部份裁縫均會建議客人改褲至這個長度，褲腳剛好落於鞋帶之上，有半明顯的折痕，可免於男士坐下來時會過份吊腳。具體而言，Quater Break的折痕比Half Break的更輕微，可以話近乎零，褲子邊緣位置剛剛接觸鞋面，最適合窄身牛仔褲類型。

以上兩款都可以話係Quater break或half break，因為折痕效果實在太接近啦，都係唔分好過分。