雖然大家都知髮型對整個造型黎講好重要，但一講到剪髮，大部份男士都係拖到唔剪唔得先會有所行動。點解？因為坐喺個Salon到好悶嘛，咋咋聲剪完個頭就好走啦！但最近喺銅鑼灣開幕嘅「Canton Barber 港東」旗艦店，就係「剪髮唔係咁簡單」嘅好例子。

位於銅鑼灣Cubus嘅「Canton Barber 港東」旗艦店佔地超過二千尺、高樓底加落地玻璃窗，更有海景露台令整間店空間感十足，但全店只設6張理髮椅及一個VIP房，依家就當然有社交距離嘅優點，同時亦為每個客人保留個人空間，坐都坐得舒服啲呀嘛。更值得一提嘅係店內嘅Lounge Area提供各式日本清酒及獨家嘅泰國草本茶品TE，更有樓梯直上樓上嘅中菜酒吧「Cubus 28」，有嘢食有嘢飲有Shisha！

其中幾款店內提供嘅日本清酒：(左起) 菊姫 鶴乃里 純米、白露垂珠 純米大吟釀 出羽燦燦39、山丹正宗 純米吟釀 Silver Label 松山三井

我黎做咩架話？呀係，剪髮！雖然店名有「Barber」呢個字，但主理人亦希望保留傳統上海理髮店文化的使命，所以裝飾棄用歐美感強烈嘅Navy Blue，而選用有東方特色嘅深綠色，白色瓷磚牆身配上黃銅家具再加黑色真皮理髮椅，彷彿回到 70 年代的舊式理髮店。

服務方面，「Canton Barber 港東」基本上會照顧你成個頭嘅所有毛髮，由頭髮、鬍鬚、到修眉都有，亦有提供小童剪髮。註場理髮師亦會按照每個顧客嘅需要而設計適合嘅造型——當然，都係以油頭為主。

OK，坐得舒服、有嘢飲、有嘢食、有髮剪，好滿足啦係咪？但未完！因為主理人覺得你剪完個油頭，就應該配返復古眼鏡先完成哂成個Look，所以特意從台灣夢露購入多款分別於 70 年代至 90 年代期間製造嘅稀有全新古董眼鏡，真正幫你打理哂成個頭。

1970年代全手製 SAKI

1990年代全手製 POLICE

Canton Barber 各項專業男士儀容護理項目:

剪髮連毛巾熱敷 $360 

剪髮連修剪眉型 $380

剪髮連修剪鬚型$450

剪髮連濕剃 $580

小童剪髮$250

地址: 銅鑼灣開平道一號 Cubus 27 樓全層

預約電話: (852) 5292 8812

營業時間: 11:00 – 21:00