於美國洛杉磯土生土長嘅Dr.Woo，乃係現今全世界最著名嘅單針紋身師 (大概冇「之一」)，Brooklyn Beckham、Justin Bieber、Miley Cyrus、G-Dragon身上都有佢創作嘅紋身，而如果你本人想搵佢紋，個Waiting List更加係長到以年黎計。不過如你係想用下佢嘅產品就唔使等咁耐啦。事關佢嘅「Woo」護膚品牌啱啱推出個「after/care Kit」。

在 Instagram 查看這則貼文

PROJECTWOO（@project_w_o_o）分享的貼文 於 PDT 2020 年 8月 月 13 日 下午 4:58 張貼

因為工作關係，Dr.Woo經常都要面對唔同人嘅皮膚，再加上佢本身都係敏感性肌膚，所以對皮膚保養特別關注。「Woo」係佢用咗兩年時間籌備嘅護膚系列，一方面為咗啱啱紋完身嘅客人能更好地保護皮膚，但更重要嘅係令所有人嘅肌膚都能夠有更好嘅保護。所以系列所有產品嘅成份都非常簡單、而且無香料，確保唔會引起任何不良反應。

After/care kit 中包括一塊番梘及一支保濕，用最少嘅成份達到最好嘅效果。另外再加一支溫和嘅消毒搓手液——明顯係因應疫情而設啦。而系列包裝同樣以簡潔嘅黑色為主，印上品牌名「Woo」。售價方面，after/care kit賣42美金，即係HK$330左右，實在係唔貴，但目前就只送美國及加拿大。如果大家想親身試下呢，睇黎要花啲功夫啦。

資料來源：Projectwoo