男人，有錢有樣有靚身型又點？只要頭髮稍為稀薄，即時被downgrade，最慘係被人取笑「地中海」，自信心同形像立即跌watt！因此，唔係再話打理頭髮係姿整，兄弟們要好好愛錫頭上三千髮絲，每條都要視為best buddy。

不過，頭髮這東西，或多或少似上天醒你嘅禮物，多定少，往往不由自主。咁唯有後天加工囉！如果你都好似我，頭髮幼又薄，有乜方法可以喺視覺上厚啲，又方便造型？今日同大家分享

林偉豪Calvin個人簡介︰
跨媒體藝人，沒有完美皮膚與身材，入行以來每日鑽研男妝保養，深造男裝穿搭，從不偷懶。擁有超過十年司儀經驗，經常向各大品牌偷師；現為商業電台DJ及節目主持，曾為Roadshow、亞洲電視及香港寬頻電視主持音樂、旅遊及資訊節目；又創辦本地文化創意平台「木木文創」，主理創意及時裝業務，名符其實事業型男。

決戰三毛之增髮術

步驟1

＂洗完頭，吹頭係第一步，一個強力風筒，唔駛用太熱嘅風，先捽住髮根吹，咁樣可以令佢鬆啲，唔會貼實頭皮。去到大約5成乾，就係第二步將佢反方向吹。呢個手法，可以令頭髮拱起，之後就好方便造型。＂

步驟2

"吹鬆哂，就係時間落Product。如果髮質偏軟好難做型，用海鹽噴霧就幫到手。今日教大家兩種方法。"

步驟2a

"將頭髮分part，直接噴到髮根，然後用風筒吹，另一隻手要向上拉，加強底部質感。

步驟2b

"另一方法，係噴落手，捽開再掃上頭髮面，呢個做法係你想有自然捲曲效果時候用，不妨揸住頭髮，在指間入風，好簡單架！"

步驟3

"臨尾將佢向前吹，可遮住髮線位。其實，一般鹽水會令頭髮好乾，但係SACHAJUAN呢支Ocean Mist 海洋澎鬆髮霧，不愧為專業髮型師造型聖品，用完唔覺乾，應該同佢介紹話喺海草入面提取的蛋白質和礦物質有關。造到好自然嘅捲曲質感，唔造作嘅蓬鬆感。"

步驟4

"做好個底，我鍾意用UNO / Clay Wax造型，佢上手感覺厚實，掃上少許，就可以做到比較乾爽的一束束效果。"

步驟5

"造型完當然要用Hairspray做定型。今日我就唔想整到硬崩崩，所以用左PHILIP B呢支Jet Set Precision Control Hair Spray，佢質地超輕身，唔黏唔重，用左之後頭髮增加彈性，保持自然豐盈嘅層次感。"

步驟6

" 提多句，用咗幾種Hairproduct做頭髮，洗頭一定要好徹底，否則，冇哂頭髮點搞都增唔到啦！"

片中所用產品（左至右）

SSACHAJUAN Ocean Mist professional haircare 售價待定/150ML

UNO Clay Wax 售價待定/80g
優點︰用後可令造型持久。

Philip B  Jet Set Precision Control Hair Spray $320/260ml
優點︰能增加頭髮的自然質感、締造動人光澤及柔順的觸感。隨手一噴，即能為秀髮帶來完美的光澤和動感。