尤其是潮流呢家嘢，有啲潮流就算當季好hit好勁個個人都話must have都話，但萬一你女人唔like，著上身咪俾佢哦哦哦到你唔敢著，所以呢，最好check清楚，知道有咩潮流係女士們最憎，就千祈唔好越級挑戰！

以下有5種潮流產物係女士們最唔buy的，男士們請切記！

第一種︰閃或令嘢服飾

「喂！你去做舞男定你斷背山我唔知呀！咩事要著到又閃又令呀！」
呢個反應，只要你身上著住件閃片衫，或閃褲的話，我包保你第一時間得到！

第二種︰超短褲

我成日都唔信男女平等，你試吓因為天時暑熱，所著住條超短褲出街，你睇吓會唔會俾人話你「好索！」定換嚟一句「變態！」呀嗱！

第三種︰（出位款）波鞋

舉例如adidas同jermey scott，聯乘出咗幾款有公仔頭或有條尾或有對翼係對高筒波鞋嘅款式，非常之咁「卡姪兒」但你就會知到世上有啲波鞋，你女友接受到自己著上腳，但就接受唔到個男友著上腳囉。

第四種︰短褲襯Leggings

Legging呢家嘢真係好蝦人著，唔好話男人，女人都好難著得好睇，所以，男人除咗跑步嘅時候可以出現短褲襯Leggings著法，其餘時間免得過就免。

第五種︰紳士帽

這幾年紳士帽真係好hit，尤其是見外國人用嚟襯西裝，成set襯晒真係fit到漏，但原來女人唔太buy，覺得太造作啩！或者，唔buy嘅原因可能係你著短tee搭波鞋時都戴住頂紳士帽，咁又點可能襯呢……