不嬲好有「皮氣」嘅美國時裝品牌Coach，宣佈搵咗同鄉，經典花生漫畫裡嘅重要人物Snoopy（史諾比）合作推出一系列聯乘產品，此乎品牌創作總監Stuart Vevers，想借助Snoopy嘅諧趣性格，進一步溝淡品牌過往嘅成熟味道。

小編最怕某啲聯乘產品設計，會將圖案用到盡，完全唔「留白」，搞到成個產品設計過於花巧，而Coach亦都無咁做到，整個系列設計，傾向品牌所偏好嘅簡單而不造作。

Vevers以史諾比其中兩個經典造型為藍本，將其剪影混合sharp色或素色色調，包括黑白色及Snoopy迷必定知道嘅「胡士托黃色」，一批家傳戶曉嘅人物落入Vevers手上，形象變得有點暗黑深沉，將Snoopy嘅darkside一面表露出嚟。

早前，品牌仲專登為聯乖系列設計app

聯乘系列內全部用上經典嘅Glove Tanned手套鞣革製造，分別有男女裝設計，產品亦都幾多元化，除咗呢幾季都大hit嘅背包等皮具之外，仲有埋皮書籤、皮書套、杯墊、証件套等等，（不過官方未有太多產品相片流出）有平有貴，任君選擇，即係，你身為一個正中Snoopy粉絲，唔想放過任何同Snoopy相關嘅產品，但又嫌買一個手袋好貴的話，平平哋買個皮書籤做留念都ok。

皮扣針套裝

杯墊套裝

皮手帶連扣

先旨聲明，呢批聯乘系列數量相當有限，每件都配有產品介紹牌及限量編號，以茲証明，將於七月份在專門店公開亮相。