將頭髮染到七彩當然唔喺乜嘢新鮮事，行街嘅時候，總會間唔時見到一兩個人嘅頭髮染得特別「出色」，寧捨搶眼。

但今年就唔同，「出色」人口大幅度上升，撞口撞面都見到有人將頭髮染到好勁，有藍有灰有綠有紅，但一啲都唔似過往咁，望落色澤好死實好假，現正流行嘅染髮風格，都偏向漸變效果，相對上充滿層次，而呢類染髮效果就被稱為Rainbow hair。

呢種風唔止香港吹緊，歐美國家及韓國都吹得起勁。

可能你會話Rainbow hair同以往嘅挑染差無幾，但實際存有分別，呢種染法需要染上3種以上顏色，由頭頂至髮尾，顏色順序由淺到深，重點放喺髮尾而唔喺頭頂部份，以產生漸漸變調嘅感覺，唔會有部份顏色特別明顯，令到成個髮色都顯得充滿光澤感，盡量令髮色顯得自然。

如果你唔駛返朝九晚七office工嘅話，不如今個夏天試試Rainbow hair，唔駛來來去都喺染啡染紅咁悶呀嘛！