其實咁樣嘅習慣非常之唔要得，因為刷毛明顯損壞嘅時候，繼續用只會擦唔乾淨牙齒不得止，仲會令到牙肉受損等等，刷咗等於無刷，咁又何必呢？

不過，明白大家都喺想環保兼慳家，先至唔想成日更換牙刷，明嘅，其實想要令牙刷用得耐，方法其實好簡單，用完牙刷之後，要徹底將牙刷沖洗乾淨，千祈唔好內藏牙膏之餘，亦要撇去水份，以免令其發霉及藏菌，放喺通風位置就最好。

但點慳家都好，牙刷每3至4個月就要更換一次，因為用舊咗嘅牙刷喺好難輕易咁刷走牙菌，細菌越積越勁，導致爛牙，最後咪要洗一筆睇牙醫。

仲有，千祈唔好同人share牙刷，幾咁close都唔好，因為每個人嘅口腔都內藏唔少細菌，互用牙刷隨時交叉感染，咁又何必take risk呢！