日日面對落雨天氣，對於上班一族嚟講，心情當然受到影響（無原因，但每逢落雨日子睇facebook，佢哋就會話現時天氣同心情一樣咁沉重），加埋橫風橫雨，令到腳下對皮鞋飽受折磨摧殘先至最心痛，無理由下下「打的」返公司，又或者包膠袋「間」水行咁嚴重，但照計咁樣落雨法，想對鞋唔發霉發臭都唔得啦！

咪咁灰，事前做足準備功夫就可以避免以上情況發生，例如，為皮鞋噴上防水噴霧就喺最直接簡單方法，六個步驟就可以防止皮鞋被雨水破壞；

1.鞋身須完全乾透
2.須距離鞋身約10厘米均勻地噴灑
3.每次乾透後，須放置一段時間，讓皮革完全吸引噴霧
4.重複該噴灑動作2-3次
5.選擇在通風地方進行，鞋子可盡快乾透
6.須定期使用，大概1至2星期

不少網民推介產自德國嘅Collonil防水噴霧，連淘寶網都有得買，連運費大概一百蚊港紙

小編提議大家唔好落雨之後，先識得為皮鞋噴上防水噴霧作補救用途，最好知道即將為下雨旺季，事前就為皮鞋噴上防水噴霧作保護之用，以延長你對皮鞋嘅「生命」。
大佬，一對靚皮鞋要幾錢，你同小編都好清楚啦！