不經不覺，2022 世界盃已經係事隔一年前嘅事。美斯點樣帶領阿根廷過五關斬六將奪得世界盃冠軍依然令人留下深刻印象，而早前，蘇富比拍賣行就宣布即將拍賣一年前美斯喺世界盃比賽時著過嘅波衫。

近日，蘇富比拍賣行宣布將會於11 月30 日正式開始，一直持續到12 月14 日拍賣美斯喺 2022 年世界盃著過嘅阿根廷國家隊球衣，呢次拍賣會會拍賣 6 件美斯喺球場上著過嘅阿根廷主場球衣，當局預計總價值將會超過 1,000 萬美元！

喺 2022年世界盃之中，美斯率領阿根廷最後奪得世界盃冠軍，童話式圓捧盃夢，正式加冕球王，亦都完成其足球生涯最後嘅拼圖，因此美斯喺世界盃比賽上著過嘅波衫，對於美斯本人、佢嘅Fans 甚至係足球界，都有著非一般嘅紀念價值，因此估計呢次拍賣將會吸引唔少收藏家以高價競投呢件球衣，至於最後呢幾件波衫嘅拍賣價錢會有幾咁誇張，就值得我哋好好拭目以待！