以機器人、性感女性與機械元素作品而聞名的日本藝術家空山基早前空山基就同著名成人娛樂網站 Porn Hub 聯乘合作，雖然睇落好似用空山基過往嘅作品差唔多，不過一眾 Fans 對呢個 Crossover 就唔多受落。

今次空山基同著名成人娛樂網站 Pornhub 聯乘合作打造出一系列嘅服飾系列，系列以空山基嘅機械字體重新設計 Pornhub嘅 Logo，並且係T-shirt 同Hoodie 後面仲印有天使機器人同惡魔機器人相互擁抱的圖案，而今次系列仲搵嚟成人影星 Kazumi 擔任模特兒演繹呢個系列。

之所以會同 Porn Hub 合作，空山基就表示：「我們必須瞭解，身為人類，沒有性我們就無法生存；儘管人類在 21 世紀取得許多進步，但事實是，我們仍生活在飽受戰爭蹂躪的世界，審查制度也達到歷史最高水平，這就是我創作色情作品的原因，藉此揭露真相，我相信 Pornhub 也有同樣使命，他們強調言論自由和性自由的重要性。」

雖然係服飾嘅設計同美學上，今次空山基同 Porn Hub 嘅聯乘合作睇落同以前嘅作品分別唔大，但係有唔少 Fans 同埋網民都對於呢個 Crossover 唔多受落，仲覺得空山基同一個宣揚強姦、性虐待、戀童癖同販賣人口嘅公司合作大大破壞咗空山基嘅藝術家形象，更形容呢次合作「非常嘔心」。

就此，唔知大家會支持邊一邊嘅講法？